1 AZN xərcləməklə 51 milyard insanı necə xilas etmək olar?

Dünyada bu günə qədər təxminən 100 milyard insanın yaşadığı və bunların yarıdan çoxunun malyariyadan öldüyü güman edilir. Mano Prakash adlı elm adamının yeni kəşfi isə malyariyaya yoluxanların diaqnostikasını apara bilir!

Gördüyünüz bu mikroskopla xüsusilə, Afrikada çox rast gəlinən malyariya xəstəliyinə diaqnoz qoyulub ilkin tədbirlər görüləcək. Planetimizdə yaşamış 100 milyard insanın yarıdan çoxunun malyariyadan öldüyünü nəzərə alsaq bu icadın ''əsrimizin icadı'' adlandıra bilərik. Malyariyanın əlamətləri eynilə, qripdə olduğu kimidir. Buna görə də bu əlamətlərin malyariya olduğunu başa düşmək üçün xəstədən qan alaraq sentrifuqa cihazıyla içindəki ağ və qırmızı qan hüceyrələrini ayırmaq lazımdır. Sentrifuqa cihazı olduqca bahalıdır. Afrika kimi bu cihaza möhtac olan ərazilərdə on minlərlə dollara satılır. Bundan əlavə, təəssüflə qeyd etməliyik ki, Afrikanın bəzi bölgələrində elektrik yoxdur. Lakin Manonun kağızdan hazırladığı alət heç bir elektrik sərfiyyatına ehtiyac duymur, eyni zamanda, 1 dollardan da ucuzdur!Eynilə, oyuncaq kağız maketinə bənzəyən mikroskop origami kimi qatlanaraq hazırlanır. Şüşəsini və batareyasını da taxdıqdan sonra demək olar ki, tam təchizatlı mikroskopa çevrilir. 

''Bu mikroskopu hazırlamaqda əsas məqsədim yoxsul bölgələrdə malyariya ilə mübarizə aparmaqdır.'' - Mano belə deyir. Hind əsilli Mano Amerikada elmi işlərini davam etdirir. Uşaqlığında yaşadığı kasıblığın özünə ilham mənbəyi olduğunu tez-tez dilə gətirir. Kiçik vaxtlarından elmi cihazlara bağlı olan Mano böyüdüyü kənddə məcbur qalaraq ağac budaqlarından və kağızlardan növbənöv elmi alətlər hazırlamışdı. O, Stanford kimi dünyanın ən yaxşı universitetlərindən birində elmi işlərini davam etdirərkən belə boş dayanmamış və insanları malyariyadan xilas etmək üçün çox böyük addımlar atmışdı. Ümid edək ki, bu cür humanist elm adamlarının sayı daha artar!